Rais Kikwete ashiriki mazishi ya Waziri Mkuu wa Ethiopa Meles Zenawi

-








RAIS Jakaya Kikwete jana amejiunga na maelfu ya wananchi wa Ethiopia na viongozi mbalimbali wa Afrika, katika shughuli ya kumzika aliyekuwa Waziri Mkuu wa Ethiopia, Meles Zenawi, aliyeaga dunia Agosti 20, 2012.

Meles aliyefariki dunia akiwa na umri wa miaka 57 amekuwa madarakani kwa miaka 21.

Rais Kikwete aliwasili katika Uwanja wa Meskel Square, katikati ya Jiji la Addis Ababa kwa shughuli ya mazishi iliyochukua kiasi cha saa nne na kuhudhuriwa na maelfu ya Waethiopia na wakuu wa nchi na Serikali 13 za Afrika.

Baada ya shughuli hiyo, mwili wa Zenawi uliokuwa umefikishwa katika uwanja huo kwa maandamano kutoka Kasri la Waziri Mkuu, ulibebwa tena kwa maandamano ya wananchi na askari kwenda katika Kanisa Kuu la Holy Trinity la Madhehebu ya Orthodox, kwa misa na hatimaye kuzikwa katika bustani ya Kanisa hilo.

Maandamano ya kuupeleka mwili wa Zenawi kwenda Meskel Square kutoka nyumbani kwake, yalichukua saa moja na nusu, kupitia mitaa mbalimbali ya Addis Ababa ambayo ilifurika wananchi wenye majonzi na uchungu ya kuondokewa na kiongozi wao.

Katika Uwanja wa Meskel Square, jeneza lililobeba mwili wa Meles liliwekwa katika jukwaa lililoinuliwa katikati ya uwanja na kupambwa kwa bendera ya Taifa la Ethiopia.

Mbali ya Rais Kikwete, baadhi ya viongozi wengine waliohudhuria mazishi hayo ni Rais Mwai Kibaki wa Kenya, Rais Yoweri Museveni wa Uganda, Jenerali Salva Kiir wa Sudan Kusini, Rais Paul Kagame wa Rwanda, Rais Jacob Zuma wa Afrika Kusini na Rais Goodluck Jonathan wa Nigeria.

Wengine ni Rais wa Sudan, Jenerali Omar Hassan El Bashir, Rais wa Somalia, Sheikh Ahmed Sheikh Shariff, Rais Boni Yayi wa Benin ambaye pia ni Mwenyekiti wa Umoja wa Afrika (AU), Rais wa Djibout, Ismail Omar Guelleh na Rais Theodoro Obing Nguema Mbasogo wa Equatorial Guinea.

Miongoni mwa watu waliozungumza katika shughuli ya mazishi alikuwa ni Azeb Mesfin, mjane wa marehemu ambaye alikuwa mpiganaji wa msituni pamoja na mume wake na sasa ni mbunge.

Hotuba ya Mesfin iliwagusa waombolezaji katika shughuli hiyo ya mazishi, kiasi cha baadhi ya wananchi walipiga kelele za uchungu na majozi.

Zenawi aliingia madarakani mwaka 1991 baada ya yeye na wapiganaji wenzake kushinda vita ya msituni dhidi ya Serikali ya Mengistu Hailemariam. 

Nafasi yake ya kwanza ilikuwa Rais akiwa na umri wa miaka 36 kabla ya kuwa Waziri Mkuu wakati Katiba ya nchi hiyo ilipobadilishwa.


Popular posts from this blog

TASWIRA: UZINDUZI RASMI WA KAMPENI ZA CHADEMA KWA UDIWANI WA KATA NNE ZA ARUSHA

-
Image
‘Chopa’ iliyotumiwa na Lema ikitua viwanja vya Shule ya Msingi Ngarenaro muda mfupi kabla ya kuanza mkutano. Chopa hiyo ilizunguka anga la Jiji la Arusha kwa madoido ya aina yake, hususani katika Kata nne za Themi, Kimandolu, Elerai na Kaloleni, halikadhalika eneo la mkutano, huku ikimwaga vipeperushi vya kunadi kampeni za Chadema na wagombea wake. Blog hii ilishuhudia wananchi wakigombea vipeperushi hivyo vikitua chini. Sehemu ya umati wa wananchi wa Jijini Arusha waliojitokeza jana katika viwanja vya Shule ya Msingi Ngarenaro kuhudhuria Mkutano Mkubwa wa Chadema wa Uzinduzi wa Kampeni za kuwania Udiwani kwa Kata nne zilizoachwa wazi na madiwani waliovuliwa uanchama  na Chadema zaidi ya miaka miwili iliyopita. Mbunge wa Arusha Mjini na Mjumbe wa kamati Kuu Chadema, Mh Godbless Lema akihutubia umati wa wananchi waliojitokeza katika uzinduzi huo. Mwenyekiti wa Chadema Wilaya, ambae pia ni Mwenyekiti wa BAVICHA Mkoa wa Arusha na Diwani wa Kata ya Levolosi, Mh Ephata Nanyaro...
Read more

RAIS KIKWETE ASAIDIA KUENDESHA HARAMBEE KUCHANGIA WODI YA DHARURA YA WATOTO NA VIFAA VYAKE HOSPITALI YA TAIFA MUHIMBILI

-
Image
  Rais Jakaya Mrisho Kikwete akiwa na Marais wastaafu Alhaj Ali Hassan Mwinyi na Mzee Benjmin William Mkapa baada ya kuwasili katika hafla ya harambee ya kuchangia ujenzi wa wodi ya dharura kwa watoto pamoja na vifaa vyake katika hospitali ya Taifa ya Muhimbili. Kati ya kiasi cha shilingi 1bn/ zilizohitajika, jumla ya shilingi 602,080,000/- zilipatikana katika harambee hiyo iliyofanyika usiku wa Jumamosi Fabruari 22, 2014 katika hoteli ya Golden Tulip jijini Dar es salaam.   Rais Jakaya Mrisho Kikwete akibadilishana mawazo  na Marais wastaafu Alhaj Ali Hassan Mwinyi na Mzee Benjmin William Mkapa katika hafla ya harambee ya kuchangia ujenzi wa wodi ya dharura kwa watoto pamoja na vifaa vyake katika hospitali ya Taifa ya Muhimbili. Kati ya kiasi cha shilingi 1bn/ zilizohitajika, jumla ya shilingi 602,080,000/- zilipatikana katika harambee hiyo iliyofanyika usiku wa Jumamosi Fabruari 22, 2014 katika hoteli ya Golden Tulip jijini Dar es salaam.   Mkurugenzi w...
Read more